~:§:~
Op deze pagina vindt u de tekst van een chirograaf opgesteld op 29 januari 1320. Jakemes de le Roke was als autre homme getuige bij het opstellen van deze acte.
Bron : Archives de l'État à Tournai n° R24
Transcriptie : Bart Verroken
Origineel : Archives de l’État à Tournai
Scheidingstekst : M M ||| M
regest :
À Tournai, le lundi 29 janvier 1320, Maroie dou Crac, veuve de Lucas ki faisoit les viroelles, reconnait qu'elle a une dette envers Pieron Mal Yvrenet.
tekst :
Sacent tout cil ki cest escrit veront et oront ke Maroie dou Crac ki fu femme Lucas ki fai
{2} soit les viroelles doit comme se proppre dette boine et loial a Pieron Mal Yvrenet .lxv. sous de tornois
{3} de quoi ille se tient a solse et apaije et quittet en a Pieron Mal Yvrenet tout quitte a paijer de ceste
{4} dette .ij. esterlins couronnes dengletiere cascunne semainne. Et sille defaut de le semainne ille doit
{5} paijer a le quinzainne .xx. deniers tournois. Et sille defaut de le quinzainne ille doit paijer as .iij. semaines
{6} .ij. sous de paresis. Et sille defaut des .iij. semainnes ille doit paijer au mois .xl. deniers tornois. Et sille
{7} defaloit dou mois li dis Pieres poroit tout le remanant de le dette cacier a une fie comme
{8} de jour eskeut tout cou ki demoret seroit a paijer. Et sil avenoit kil eskeist ale accord
{9} Maroie aucunne eskanche quelle kelle fust u kelle se remariast li dis Pieres poroit kacer
{10} tout le remanant de le dette a unne fie comme de jour eskeut tout cou que demoret seroit a paijer
{11} Et se Pieres Mal Yvrenes en faisoit coust u frait despens u emprunt u avoit damiage par le defaute
{12} de sen paiement rendre li doit li ditte Maroie dou Crac parmi sen voir dit sans le dette dessus ditte de
{13} vient amenrir. Et de tout cou a ille assenet a li et au sien a quan quille a et ara partout. A cetse connis
{14} sance fu Jehans Canonnes de Kanfaing com voirs jures et Jakemes de le Roke li mierciers comme
{15} autres hons ki connoist les parties et si furent les parties a cest escrit livrer. Ce fu fait lan de grasse
{16} .m.ccc. et .xix. le deluns devant le Candeler.
~:§:~
• klik hier om naar het begin van dit document te gaan