~:§:~
Op deze pagina vindt u de tekst van een transcriptie die Léo Verriest maakte van een chirograaf uit maart 1251. In deze acte werd een rente gevestigd op een huis, gelegen à le Roke te Doornik.
Bron : Archives de l'État à Mons - fonds Verriest farde n° 1
Transcriptie : Léo Verriest
Origineel : Archives de Tournai - verbrand in 1940
scheidingstekst : geen gegevens
regest :
À Tournai, en mars 1251, Ievrars del Casteler a donné à rente une maison séant à le Roke, à Willaumes Le Babineur de Saint-Omer.
tekst :
Cou sacent … que Ievrars del Casteler, de le rue Saint Martin, a werpit et dounet a rente a Willaume Le Babineur de Saint-Omer, une maisson a une cambre de piere, ki siet a le Roke, ki fu Simon Bierle.
De cele maisson tout ensi com ille siet devant et deriere, dencoste le maisson Pieron Bierle, doit Willaumes ki nomes est a Ievrart devant dit 24 s. de paresis de rente iretavele par en les 12 s. au Noel et 12 s. a le S. Jehan et 2 loenisiens de cens a le S. Remi.
Et si doit cille maissons devant dite a Saint-Martin 12 loenesiens al Noel et 2 capons et 6 loenisiens de cens a le S. Remi, cascun en.
Et si doit Willaumes essuiodier (?) cele maison .C. sols devans .II. ans. A tel cens et a tel rente ki chi est noumee a Ievrars del Casteler devant dis encouvent a Willaume ki noumes est cel iretage a conduire et a warandir al asens des eskievins et si en a assenet a quan quil a pour laquitance.
Et pour cou que ce soit ferme cose et estable si en est cirografies fes et livres en le main des eskievins Gilles Kieville, Jehans Paiens, Wautes a le Take, Jakemes li Prouvos, Gilles Pasquiens, Jehan Colemers, Jehans Tourete tout cist i furent com eskievin en lan del incarnation .M. et .CC. et .L., el mois de marc devens Pasques.
~:§:~
• klik hier om naar het begin van dit document te gaan